علشان خايف عليك
إبليس مخلوق من نار وأقوى من الإنسان بمراحل وخارق القوة وعاش فترة شاف فيها خلق أدم وسكن الجنة وسكن السموات العلا وسكن الأرض ومع هذا ما سبش الدين ولا سب الله عز وجل ويعلم قدر الله وعظمته رغم إنه عارف مصيره وقال "فبعزتك ".
الشباب بقي بل والبنات كمان للأسف من أقل حاجه تلاقيه يسب الدين جد أو هزار وكأن دين الله لعبة، ومايعرفش المسكين إن الأمر عظيم وإن الأمر جد وما هو بالهزل، مايعرفش إنه لما يسب دين الله كأنه سب ذات الله نفسه وإنه بكده خرج من المله، مايعرفش المسكين إنه لو مات ع كده هيكون مصيره النار خالداً مخلداً فيها أبداً .. إلاً لم يتُب.
فنصيحة:
مالكوش دعوة بدين الله ف هزاركم وف خناقكم إتقوا الله : "ما يلفظ من قول إلا لديه رقيب عتيد "
قال الله عز وجل في كتابه الكريم :
"حتى إذا ما جاءوها شهد عليهم سمعهم وأبصارهم وجلودهم بما كانوا يعملون وقالوا لجلودهم لما شهدتم علينا قالوا أنطقنا الله الذي أنطق كل شيء وهو خلقكم أول مرة وإليه ترجعون".
أنا علشان خايف عليك وبتمنلك لقاء طيب بين يد الرحمن بنصحك.. الإنسان اللي لسانه قبيح بيكون شخص مُبتذل الطبع مع أهل بيته، فاحش اللسان مع زوجته وأولاده، فاجر ف الخصوم، منافق وعلى كل لون بين أصحابه.
سب الدين مش رجوله بل نقص وقلة قيمة.