بعد السكران ما يفوق

الكابتن مؤمن زكريا

 

" نفسي البوست دا يوصل الكابتن مؤمن زكريا " ⁦

متحزنش يامؤمن علي حاجة راحت منك متحزنش يامؤمن علي تعب او ابتلاء جالك .. ابتسم واستقوي بربنا .. ربك اعلم بيك ،

هو قادر يعوضك خير ويرضي قلبك ويجبر بخاطرك .. والتعب اللي انت فيه دا يامؤمن ملوش غير حاجه واحده بس ف انك تخلي يقينك ف ربنا كبير و تقرب من ربنا كتير لاني هو الوحيد اللي هينجيك من أي تعب ومن أي ابتلاء ومن اي حاجه بتحصلك وبتمر عليك ف حياتك لاني مفيش ضمان فيها غير ربنا !!

عارف يا مؤمن .. كان فيه ازمه شديده جدا اتعرض ليها .. الدكتور مصطفي محمود و هو في طرابلس .. جاله نوع غريب من الاسهال درس طب سنين عُمره .. النوع ده ما ممرش عليه قبل كده بيقول كنت باكل الاكل ينزل زي ماهو " آكل طماطم آجي اعمل حمام تنزل زي ماهي ! .. آكل جزر ينزل زي ماهو .. خيار ينزل زي ماهو " إتفزغ .. عنده عدم امتصاص للاكل بطريقه عجيبه 

بيقول : جالي حالة ذهول وخوف .. خسيت عشره كيلو في عشر ايام ! .. بيقول بنفس الوصف بقيت عامل زي الرنجايه .. هروح لمين في ليبيا !! .. حتي ولو روحت ما أنا دكتور وممرش عليا الحاله دي .. جالي إحساس بقلة الحيله والانهيار والضعف والالم .. تقطعت بيا الاسباب .. لجأت لربنا سبحانه وتعالي بالدُعاء .. بعد الصلاه قعدت علي السجاده ادعي واقول بشكل متواصل .. لا اله الا الله .. لا اله الا الله .. حوالي٣ ساعات .. جالي حاله هدوء وكأني أغمي عليا .. نمت للصبح .. ماحستش بنفسي .. قومت لقيت اني رجعت طبيعي زي ما كنت .. مافيش اي شعور بالالم ورجعت عملية الامتصاص الغذائي زي ما كانت .. وقتها افتكرت كلمة لدكتوره فرنسيه اسلمت لما كنا في المغرب " إن لديكم يا مسملين جوهره لا تعرفون قيمتها ..

قال : هي إيه ؟! قالت الدُعاء يا دكتور مصطفي !! ⁦

تعرف يا مؤمن لما ربنا حب ينجي سيدنا إبراهيم من النار ،

مبعتش مطر تتطفيها ، لكن خلي النار نفسها تبقي برداً وسلاماً علي جسد إبراهيم .

تعرف يأمؤمن لما ربنا حب ينجي سيدنا يونس من ظلمات البحر وبطن الحوت ، حول الحوت نفسه لمركب ينقل يونس من قاع المحيط للشاطئ وعطل للحوت أسنانه ومعدته وسخر ليونس كل شئ .

وقميص يوسف اللي كان سبب ف إن يعقوب يبكي ويتعمي بعد فتره بقي هو سبب إنه يرجع بصره تاني ويفرح .

وعيسي لما إتولد خلي مريم تشيل الهم وتتمني الموت بس بعدها بفتره عرفت إنه نبي وإن بسببه أصبحت سيده من سيدات الجنه يذكر اسمها الي قيام الساعه وسبب سعادتها وسعاده البشر !!

يعني ‏‏‏‏‏حين يأذن الله بالفرج ... يأمر حزنك..مرضك..فقرك..خوفك..أن يتحول إلى فرح ..

وأسباب ألمك تتحول لاسباب أملك ، والمحنه لمنحه ، ويهديلك العاصي ويرجعلك صحتك ،

خليها علي الله يا مؤمن هيجبر بخاطرك وهيرضيك وهيعوضك وهيشفيك من كل تعب يا حبيبي والله