الدنيا أحلى
ياللي ماشية وسايبة ذكرى
لمي كل الباقي منك
صدقيني الدنيا أحلى
من ما كنت زمان في حضنِك
كنت فاكرك حضن دافي
كنت فاكرك حلم صافي
كنت فاكرك سم شافي
كنتي فاكرة نهايتي عندك
لا ياحلوة إصحي فوقي
من مراري في يوم تدوقي
بكرة هتموتي بشوقي
والسبب في بعادنا عندِك
كنت فاكرك يوم ملاكي
عمري عيشته زمان معاكي
كنت أطيب ما في سماكي
كنتي أكبر خاينة ليا
أيوة قولي إني أناني
يلا قولي إني جبان
بس لما تحبي غيري
إبقي إفتكري الحنان
أيوة حضني مالوش بديل
أيوة حبي مالوش مثيل
عندي ليكي كام دليل
بس مش هفضح حياتنا
يلا قومي وسيبي إيدي
وفي جراحي يا حلوة زيدي
وف شرايط حبي عيدي
بس مش هرجع أكيد