أهات فـ أهات
بحسبه بسيطه هتعودي
هتكوني معاه سنتين حلوين
و فجأة تحسي بوجودي
هنحسب نسبة الفُرقه
علي الدمع اللي في عنيكي
فيطلع منها الناتج
سواد كـ الحسنه فـ ايديكي
فمتلومنيش علي غيابي
عشان واثق في تفكيرك
هتبقي معاه لكن حاسه
بإيدي بتمشي علي إيدك
ووقت ما يبقي بينكوا خلاف
وسد الفُرقة بينكوا يزيد
هتيجي لحد باب قلبي
بشوق ممزوج بكا و تنهيد
ساعتها هتعرفي مكانتي
واقول بعد اللي صار كنتي
ملاذ لكن محبتهوش
مجاز جايز محستهوش
لكن حبيت اشوف ضعفك
واقولك اني من بعدك
لا مت مـ الفراق ولا شيء
فتحلي البعد بينا طريق
اشوف الدنيا بالالوان
كتبت عن اللي بينا ديوان
بقيتي النجمه و البطله
وانا المقتول في اشعاري
في صورة عشقنا المهزوم
في حاجه نسيت اقولهالك
يبان عكس الحاجات فـ الزوم
ف كل ما اقرب الصورة
اشوفني جميل و مخسرتش
وانتي يا حلوة مكسوره
دموع نازله و متتعدش
أهات فـ أهات
حياه مش زي ما تتمني
لا ده شكلك ولا سنك
يا بخت القُرب لو مني
يا بخت البُعد لو عنك