لاعاد تجي لاتعتذر
*لاعد تجي كافي خلاص لاتعتذر*
*لاعد تقول ياخل كان عندي ظروف*
*ايش فايده قلي اذا جيت تعتذر*
*دامك طعنت القلب من حد السيوف*
*قصدك خلاص ان الكسور شاتنجبر*
*لاشي رجع قلبك يقلد لي روؤف*
*او تعتقد اني بدونــك شافـتـــقــــر؟*
*وإلا عليك الطم خدودي بالكفوف*
*رحلك بعيد واعطف فأنت اللي خسر*
*مااشتي اعتذارك لو عتديها الوف*
*لا لا تجي لو قلت لي ذا الكون جر*
*مابقبلك لو يغرفــو دمعـــك غروف*
*قلبي تعب منك قدوه والله حذر*
*من كثرما قد عشت في غربه وخوف*
*رحلك بعيد خليك على ما انتا وسر*
*قلبي خلاص ماعاد مثل اول شغوف*
*من عافني وإلا تركنـــــي منكســــر*
*لابد له من شخص ينساه ويعـوف*
*ما همني سير موت او سير انتحر*
*مااشتي اشوفك او عيونك لي تشوف*
*مستقبلي من دون حبك مزدهر*
*وفي وجودك كل إشراقي كسوف*
*لو السماء في كل وادي تنهمر*
*من عشقتك قانع ولو ذقت الحتوف*
*ما عاد قلبي في غرامك. ينتهر*
*سع الذي هانوه قدّام الضيوف*
*ذق الجفاء باقي سنينك واستمر*
*قلبي من القسوة رفع كل السقوف*
*خذها نصيحة قلتها لك واختصر*
*صرت أكرهك حتى مع عزف الحروف*
**