حكايات
كل اللى فات اهو فات
ما فضلش غير حكايات
بس اللى جاى يمكن
يمسح دموعنا ساعات
بتاخدنى ١٠٠ فكره
شدانى للذكرى
وإزاى هعيش بكره
وانا جوا قلبى أهات
كل اللى فات جايز
ما يفوتش ولا عايز
للذكرى ١٠٠ حاجز
ومن الألم روايات
فين نعمة النسيان
ما بانِتش ولا هتبان
مع إن أنا إنسان
نقصانى بعض حاجات
يا مدينه وخدانى
من أهلى وجيرانى
عايش ووحدانى
ولا تِفرق المسافات
أيام ورا أيام
وحقيقه أو أوهام
واحنا فى أنهى عام
غارق فى بحر سٌكات
توهه تجيب توهه
والدنيا مكروهه
حقيقتها مشبوهه
ولكِدبها روايات
كل
اللى
فات
اهو
فات
**