بعد السكران ما يفوق

العيدية

من غير ما اتكلم ف التفصيل

وجمال الجيل اللي دوشنا بومب

ومرجيح على حس الليل

وفرع النور اللي ف بتنا

وعيال الشارع و حرتنا

وجمال البنت اللي جرتنا

من غير ما اتكلم ف التفصيل

من غير الصورة اللي تجمع

شله اصحابك و جيرانك

من غير الضحكة اللي تسمع

اركان المطرح و حطانك

من غير ما تغير عنوانك

هبعت جوبات وابعت مراسيل

من غير اتفضل واشرب شاى

وحاجات نعملها أتحفظت صم

من غير عقبال العيد الجى

من بارك ليك على الدبلة يا عم

من غير طقطيم او شيل للهم

وهنفرح حبه بحبة يا ليل

من غير التمر و كحك العيد

بشويش ف الأكل عشان متعبش

وعشان خرجين من شهر الصوم

هنصوم من بكرة كأنه مغبتش

من غير اسباب او جيب و مجبش

من غير ما أطول عيدكوا جميل

سبحان المولي اللي جمعنا

على سفرة بدون سابق مواعيد

سبحان من بارك في القله

سبحان من قرب كل بعيد

من غير ما أعيد او حتى أزيد

لاهغني واقول احسن مواويل

اه يا ليل بداري فى جرحك ليه

وأصيل بتراعى شعور الناس

مستغرب جدا على المخاليق

فرحانه أزى على أي أساس

والشهر الحلو اهو فات و خلاص

على كلا واجب غنى يا ليل

حيث كدة علقوا عنقيد النور

وأضربوا صوريخ ولحد الفجر

العيد بوستان مليان بزهور

يسقينا الفرح بدون الاجر

العيد ف اللمة ومش في الهجر

وافرحوا علشان الفرح جميل

العيدية😉

بقلم / محمود نعمة الله 😘