موسوعة جينيس للأمن العالمي تقدم :
الحادثة نفسها عادية .. بس عشان منظومة أمنية تحلها محتاجة ( لو هي جامدة ) أسبوع - 10 أيام من البحث والتحري، ولو المنظومة دي فشلت انها تلاقي الطفلة محدش هيلوم عليهم لان الموضوع أشبه بالبحث عن أبرة في كوم قش .. طب ليه ؟
- المجرمة ملهاش ملامح .
- المخطوفة ملهاش ملامح .
- مفيش مشتبه فيهم أصلاً .
- إستحالة تتبع خط السير في منطقة القاهرة شديدة الزحام في عز الضهر .
- مفيش دايرة بحث محددة يعني ممكن تكون هربت الصعيد .
- يالا يا باشا اذكرلي جهاز شرطة في العالم يعرف يحل اللغز ده وفي وقت قد ايه ؟
لكن وزارة الداخلية المصرية هنا قدرت تعمل الآتي :
- تحديد المشتبه فيها واللي عبارة عن ست منقبة شايله طفل رضيع .
- تفعيل كل كاميرات شوارع القاهرة الكبرى .. يعني ايه ؟ يعني كل كاميرات المرور والمحلات والسوبرماركتات والبنوك وأي كاميرا في الشارع عدت من ادمها العربية اللي فيها الست المنقبة اللي خرجت من المستشفى ركبت عربية واتحركت .
- تفعيل الكاميرات ده بقى اكتر من 50 كيلو متر تتبع خط سير لحد ما وصلت لمدينة بدر في طريق السويس .
- دخلوا مدينة بدر لحد ما عرفوا الشقة اللي فيها الست دي .
- تم تحديد مأمورية ضبط واتحركت قوة من الشرطة وظبطوا الست والرضيعة المخطوفة ورجعوها لأمها .
أقل من 24 ساعة !
وهو تطبيق حرفي للعثور على أبرة في كوم قش وتلاقيها بسهولة كأنك عارف مكانها .
أعتقد ده رقم قياسي لأي منظومة أمن في العالم مهما بلغت درجة تمكنها لكن إستحالة توصل للدرجة اللي وصلتلها وزارة الداخلية المصرية حالياً .