حكاية قلب
نهاية غريبة
لقصة عجيبة
قصة حب بطلها الشوق
وسنين حرمان
وذكرى كمان
وقلب حزين
مش مكتوبله يلاقى حنين
لا قادر يوم ع النسيان
ولاعارف يبعد ماهو مسكين
سنين وسنين يداري حنين
يداري جراحهُ فى نين العين
وبعد سنين شوق وحنين
شاف الحب فى غمضة عين
شاف الضحكة يوم واتنين
عاش الفرحة يا عيني يومين
المسكين شافلو يومين
أحكي كمان يا مستمعين
ــــــــــــــــــــ
أصعب حب لما تخاف على الغالين
وأصعب جرح لما تكون فى إيدك سكين
وفراق فى الحب قلب حزين
قلب جبان إختار البعد فى لمحة عين
بس يا ناس بشوق وحنين
أحكي كمان يا مستمعين
ـــــــــــــــــ
أرجع تانى لأجمل يوم قصدي يومين
شفت الحب وقلت بحب يا دوب فى يومين
كانت الفرحة طارحه ضحكة زى الورد فى البساتين
صبر سنين يادوووووب فى يومين
ودمع سنين فى ضحكه يومين
وراضي بقدره المسكين
أحكي كمان يا مستمعين
ـــــــــــــــــــ
خاف القلب على الغالين
وقرر تانى يبقى حزين
وكأنِ اليوم قصدي يومين
كانو حلم فى ساعتين
بس خلاص يا مستمعين
عبرة ووصلت للعاشقين
الطيبه فى القلب فراق وأنين
**