شوفيلي حلول
بقولك إيه
شوفيلي الحَل
ماهو مش معقوله أفضل حابك
من بعد اللي عملتيه فيا
مش عايز منك حاجه خلاص
مش عايز أشوف نفسي ضحيه
أنا بس بقولك شيء عني
عيني المليانه بنات غيرك
والله بيتكاتروا عليا
محتاجه تشوفك يعني بخير
ما هو رغم الهجر اللي مابينا
لكن منكرش علي ايديكي
انا شوفت معاني كتير للخير
شوفيلي حلول
مش عايز اشتاقلك من تاني
ايه اللي في بعدك خلاني
أشتاق حتي لوجعي قصادك
في الواقع عيشت وحيد بعدك
الناس قتلوني علي إيديكي
بكلامهم عنك في القعده
وعيوني بتبقي عيون شارده
ولا عارف أركز في كلامهم
ولا عارف أخبيكي في حضني
اهو ده الاحساس اللي خانقني
بقي طبعي كئيب وسط اللمه
الفرق ما بين شعورين كلمه
والكلمة اتقالت و اتهضمت
قوليتيلي "خلاص مبقاش ينفع "
دمعك مبقاش عنك يشفع
و الصبر خلاص كان فاض بيكي
طب أقولك ايه انا دلوقتي
والله ما عارف ايه حالتي
ولا عارف اعيش من بعديكي
منك للحزن اللي في عيني
مقدر اقول منك لله
هو الانسان ايه غير قلبه
و يعيش ازاي لو مش وياه
انا عندي أموت و لا اني انسي
ده لأن الموته معاكي حياه
بقولك إيه
خلص الموضوع
ان كان في رجوع كان راح يحصل
و ان كان عـ الشوق انا راح انسي
هكتب أغنيه عن النسيان
واحفظها و أغنيها في سري
اول كوبليه منها بإسمك
اخر كوبليه منها بإسمي
و في نص الغنوة وحشتيني
اهو ده النسيان اللي انا قاصده
و ساعتها ان مت هيبقي خلاص
الكل بقي محصل بعضه .