ارجع تاني
لازم ترجع
اكتب حرف جميل علشاني
المك يوجع
ارسم واكتب تاني وتاني
اوعاك تنسي انك مبدع
اوصف ليهم معني الحب
فهم فيهم تفرق ايه
تعيش موجوع
امسح يلا اي دموع
كل كلامك بيخش القلب
اوعي يهمك اي عزول
اي حسود ..اي حقود
عودتني ديما بصلابتك
أخرج تاني من صمتك
متعودتش أحسك بسكوت
اكتب يلا وانا وياك
كل ماتيجي تحس بوجعك
حس باني انا جواك
صعب حبيبي اشوفك صمت
كل حروفي تحت اشارة
وادي إمارة
دوري اني اكمل دورك
حس حروفي احس شعورك
ولو حاولوا يطفوا الشمس
هبقي انا نورك
لو جف الحرف بوجعك
بين الاه هبقي بذورك
انا ياحبيبي رغم مشاعري
نقطة وهايمه في بحورك
اقول حاجه وتصدقني
اوقات بيوحشني حرفك
ساعات بيوحشني غرورك
اعشق كل اللي مكتوب ليا
بحسك برقة قلبي معاك
طول ماانا صاحيه ببقي معاك
وأما انام بحس بروحي
وببقي بقلبي ياروحي شايفاك
**