بالسلامه
داريت في الخفا ايامك
لما وقعتني في غرامك
عشت معاك احلامك
كانت الامي هي آلامك
كان نفسي احققلك آمالك
صدقني لو لفيت
ومهما رحت وجيت
علي حب زي حبي
وإلا قلب زي قلبي
ولو سالوك حاتقول ساعتها
والله ابدا مالقيت
مشيت ورا دماغك
وصاحبت كمان شيطانك
يالغالي أنا اشتريتك
بالرخيص بيعتني
ياريتني ماهويتك
والا كونتش فوتني
أنا عمرى مارميتك
بس انت طعنتني
سهام الغدر قاتله
وبيها قتلتني
بس قسما بقلبي
اللي حبك
ونبضاتي اللي يتجرى
في دمك
وكل لحظة سعادة عشتها
وانا جانبك
لاحرمك من دمي
إللي بيجرى في دمك
حاسهرك الليالي بحسرتك
حاتشوف الذل ف قهرتك
والا حاتكمل سهرتك
الا وانت بتعاني
من قسوة وحدتك
**