الأمل المفقود
أنا يا حياتى وأيامنا
وقلبى دايما وياك
أصحى وأنام وأفكر
وعينى دايما شايفاك
ونبضه أوام يهواك
وشجنى وهيامى ألحان
أسمعها بنغم سلواك
ليه تبعدى كده عنى
وطول عمرى أنا فداك
وأيام حلوة عشناها
وأملى كان وياك
خلاص ضاعت أحلامى
وتاهت نظرات عيناك
وكان أملى تعودى
هجرتى ووصلتى مارساك
وبحرك أمواجه عفية
وأنت عشقاه بهواك
أعيش خلاص لأوهامى
وفقدت الأمل لمحياك
وأيام مضت وعشقناها
ونهايتها عقلك أغواك
فراق وبعد وحرمان
وظلام مملوء بسماك
ولى رب يصبرنى
وتدور الأيام وأنساك
وجانى الليل بظلامه
وإنتهت معاه ذكراك
**
للشاعر / محمود بيومي العدل