مالك ياقلبي
مالك ياقلبي خايف من إيه
ومشغول علي طول بيه ليه
واللي شكيت منه امبارح
النهارده سألت عليه
والليل كله عقلي سارح
والله ياقلبي عقلي احتار
من افعالك ليل ونهار
بيبكيك ايام وليالي
وبكلمه منه تشغل بالي
وتحن ياقلبي وتنسي الويل
وسهرك ليه طول الليل
اما الحب صحيح غلاب
بيخلي العمر كله شباب
وكلمه حلوه.منه تسامح
وتجري عليه بشوق وتصالح
رغم الآمي ورغم عذابي
رغم دموعي ورغم سهادي
للحنيه علي طول ميال
وتقول في غرامه مليون موال
زي البلبل علي الأغصان
وليفه يغيب يبان حيران
وتسمع انينه تقول عطشان
وويا وليفه.تلقاه فرحان
يغني ويرقص.وياه بحنان
اما الحب.صحيح سلطان
واللي ماحبش.اكيد غلطان
ح يعيش عمره تعيس ندمان