طينة صعيدية
معجون بماية نيل
لا عمري خفت
الليل
ولا مكر جنية
صياد بحور الشعر
واحلي مر الصبر
دافع بروحي المهر
وجيناتي مصرية
الحرف جر الحرف
والمعني جواهم
والفيض بصور
الوصف
ومشاعري سبقاهم
ميل الخيال بدلال
ماشي في الحياة
جمال
في القول انا القوال
وقصايدي شعبية
راجع من الترحال
والخطوة مقضية
ياخدني حال علي
حال
عشق الحالات غية
انادي علي الايام
في سنين تمر اوام
مهما عاصتني احلام
انا روحي مرضية
ومعجون بماية نيل
والطينة صعيدية
لا عمري خفت
الليل
ولا مكر جنية
**