غــدر الزمـــان
قالوا حب.. قلت كااان
حب كان.. أيام زمااان
مش مجرد حركة لسان
لما كانت كلمه طالعه
من قلب حس بأمان
لما كانت تداوى جرحك
كلمة حب. لمسة حنان
لما انسان يفرح لفرحك
و أنت فـقلبه ليك مكان
أما النهارده..حب تانى
. حب كله.. مجرد كلام
اللسان فى تعبيره شاطر
أما الضمير جوانا نام
لو لقيتوا حب تانى
قولوا تمن الحب كام
متشاغلش قلوب عذارى
قلوب سليمه لسه خام
لما سمعوا كلمة.. بحبك
ضحوا بحياتهم عاشوا الهيام
ليه تنادى بالاهتمام
وانت اصلك بياع كلام
الحب دا كان زمان
عمر ما قام بدور جبان
عمر ماقلب للتانى خان
ولا لعب بيه مره الشيطان
احذر من غدر الزمان
فكما تدين لازم تدان
للشاعر / مجدى صلاح المنصورى
**