اوعي تقبل ان حد يستقل بيك أو يقلل منك ؟
انك تسامح دي حاجة ، و أنك توافق علي قلة القيمة دي حاجة تانية خالص ..
اللي ما بيحترمكش واكتشف انك موافق هيكرر عدم احترامه ليك ، و هيزيد فيها ، و عمره ما هيقدرك ؟؟
هيستغل تسامحك و طيبة قلبك ، و هيضاعف من انه يستقل بيك ، انا اسف " هيسترخصك "
مش بس كده ، ده انت كمان اديته قلم في نفسه و علمته يستقل بكل الناس مش بيك انت بس ؟؟
" كرامة الناس مش لعبة "
انت غالي قوي ، واللي ما يعرفش قيمتك له في قلبك الحب ، لكن ما لوش في حساباتك مكان ..
طبعا تحبه لان دي اخلاق ولاد الاصول ، لكن خد موقف راقي ؟؟
- واجه لو تقدر ..
- اغضب بأدب من غير ما تغلط ..
- اوعي تفرض نفسك عليه أو تنصحه أو تحاول تعمل له خدمة هو ما طلبهاش منك باحترام و أدب ، لأنه هيفهم انك بترضيه وخايف منه و بيسترخصك اكتر ، و مش هيقدر اللي بتديه و يعتبره حق مكتسب ، و تبقي "حسنة و انا سيدك " ؟؟
- انسحب من حياته بحكمة ، ما تسعاش للقاؤه و حدد علاقاتك بحدود الأدب و الذوق ، تجنب لقاؤه و الوقفة و المسايرة ، سلم و ابتسم و امشي .. و "يا نحل لا تقرب مني بعسلك و لا بقرصك " ؟؟
إنما اوعي تكون " رخيص " عند حد مهما كان
و اكبر عقاب للي ما بيقدركش انك تستغني عنه ؟؟