الزواج في الإسلام
بسم الله الرحمن الرحيم
الحلقه الأولى : الزواج في الإسلام
اهلا بيكو كل معجبي مجلة بيوت الطيبين فى اول حلقه من برنامجنا وبرنامجكم اتجوز صح
معاكم ولمده 28 حلقه من النهارده احمد وجيه مؤسس مدرسه اتجوز صح اول مدرسه تطوعيه لتاهيل الشباب للزواج ومحو الاميه الزوجيه بالمجان بالشراكه مع صفحه ادهم وجيسى شريك الحياه بحيث هننشرلكم 28حلقه كلهم عن الجواز
هنتكلم عن كل حاجه في الجواز
من اول اهميه التأهيل قبل الجواز والاختيار وسنه اولى جواز وازاى تعيش حياه سعيده وتتجنب الخلافات ولحد تربيه الاطفال
ربنا ينفع بينا ونفيدكم احنا بنحاول نوصلكم اكبر قدر من المعلومات بطريقه سريعه وصحيحه
لان كل معلوماتنا عن الجواز بنكتسبها من خلال الافلام والمسلسلات
ف تعالوا نتفق عن مفهوم الزواج
تعالوا نتخيل ان الجواز زي السفينه بالظبط في نص البحرحتلاقي فيها ايام جوها حلو والسما صافيه و ايام فيها اعاصيرمش معني اني شايف اعصار النهارده اني اقرر الرجوعو انسي الايام الي كان جوها جميل و اني بعد الاعصار دا حشوف ايام جميله تاني
علشان كدا الي عايز يتجوز لازم يكون عنده استعداد للتقلبات
و الي بيدور علي عروسه و الي بتدور علي عريس لازم يدور علي حد فيه الصفه دي ( الاستعداد لمواجهه التقلبات )
للاسف لما تشوف حد بيدور علي عروسه او العكس تلاقي الي تقولك عايزاه شبه مهند ووسيم و بيحب السفر وحنين و يخاف عليا و يكون متدين يعني بيصلي
يعني قال شروط نسبه الشروط الي ليها علاقه بالدين 10 % علي الاكثر
انا مش ضد انه يكون شبه مهند .. ولا تكون شبه نور ... بس يا فرحتي بواحده شبه نور و هي مش مهيئه نفسيا للاعاصير ...او معندهاش الاستعداد البسيط للتعب ...
انا عندي قناعه عاليه بموضوع سمعته من اصدقائي اصحاب الزيجات الناجحه ربنا يكرمهم و يثبتهم و الي بيشجعوني علي الزواج..بيقولولي اهم شئ في شريكه الحياه انها بتراعي ربنا و بتخليه رقم واحد عندها لانها لما تكرمك بتكون بتكرمك علشان ربنا ...قبل ما يكون علشانك
لان لو بتكرمك علشان بتحبك ... بتحبك بس .. فالحب ممكن يتبدل ..القلوب بيد الرحمن يقلبها كيف يشاء ..اما حب الله ثابت لا يتغير في واحده او واحد عرف ربنا بجد
الناس هتقولى ايه يا عم انت مسهل الموضوع اوى اصلك لسه متجوزتش الجواز كله خلافات علشان بيبقى فى اختلاف فى وجهات النظر و كل حد متعود ومتربى على حاجات هيغيرها و
استنى طيب متكملش
مثال بسيط .. بتتخانق مع اخوك ولا لا ؟ مع اختك ولا لا ؟ ها
طب مبتتخانقش مع اصحابك ؟؟ مبتختلفش مع والدك وتزعلوا من بعض ؟؟؟
طب ازاااااى انت عاوزها تكون زيك بالظبط فى كل حاجه
المهم انك تتاقلم تعرف عيوبها وتتاقلم معاها والله عرفت تصلح حاجه ده شئ كويس وخلى بالك العيب الى هتحاول تغيره دى يمكن يكون ميزه المهم الى عاوز اوصلهلكم .. ان صوابعك مش زى بعضها وكل انسان مقتنع بحاجه مش هيغيرها ف الاحسن انك تحترم وجهه نظر شريكك ويكون فى احترام متبادل وتبقى عارف من الاول ان هيكون فى اختلاف
وغالبا الاختلاف ده بيكون مهم بالمناسبه هو اختلاف مش خلاف
لان ممكن جدا تقابلكم مشكله ويكون طريقه معالجتك للمشكله دى يكون مش صحيح
فيقوم الاختلاف هنا يعمل ايه لما تقولك رايها تقتنع بيه جدا وتكتشف انك بدل ما كنت هتحل المشكله كنت هتزودها ودى فوائد الاختلاف المهم الاحتواء
ان شاء الله هنتكلم فى الحلقات الجايه عن الجواز واحكامه والرسول الزوج ونصائح للمقبلين على الزواج واسس الاختيار وانماطه وازاى تعدى فتره الخطوبه بسلام وتؤهلك لحياه زوجيه سعيده
وبكده نكون وصلنا لنهايه اول حلقه من حلاقات اتجوز صح