يفيد بإيه
فات الميعاد لكن انا كنت فاتحة الباب
كان الكلام داكن
لكن في قلبه عتاب
وهيعمل ايه القسى؟
ومفيش حبيب اتنسى
ويفيد بإيه الكِبر
طول ما الحنين غلاب!
ديواني الثالث #يفيد_بإيه الديوان دة انتصار كبير علي النفس في كل محاولاتها للفرار والنجاة من الاستمرارية في السعي ، رغم علمها ان النجاة الحقيقة في مواصلة المحاولة والتغلب علي التحديات ، ديوان بواجه فيه مخاوفي ومخاوفك ، جوا الكتاب صراع مع كل الافكار السوداوية فـ قصايد بتبين أسباب وجودها جوانا ابتدائاً من العشم وصولاً للخذلان وحتي وقوفنا علي أعتاب الامل واحنا بنقدم رجل ونرجع رجل ، في الديوان كل فترات الاستسلام وجلد الذات والرجوع للخلف وكل نتايج المواجهة وتأثيرها جواه قصايد لم تخرج للنور بعد ، وجه الوقت انها تكون بين ايديكم ونعرف هتفيد بإيه .
بهدي الديوان لكل قارء ممشيش ورا الموجة ، ولكل متذوق مهزيتوش أقاويل
ديوان يفيد بإيه في معرض القاهرة الدولي للكتاب ٢٠٢٤
تجدونه ضمن إصدارات دار إبهار لمعرض القاهرة الدولي للكتاب قاعة 2 - جناح B38