تايه فى نفوس البشر
قابلت كتير م البشر في كل الظروف
كتبت كتير عنهم وخلصت الحروف
ودورت كتير في بحور المعاني
أوألاقي ولو فكرة من نفوس صافية
وأنا ملهوف
لقيت ضمير الناس في بير النفاق محدوف
لامرةحاول يطلع وبطوفان الغش مجروف
قابلت كتير م البشر في كل الظروف
كتبت كتير عنهم وخلصت الحروف
***************
الحياة د مدرسة بتربي وتعلم
كلام مدروس
القوي تلاقيه دايما على الضعيف بيدوس
وبضحكة صفرة وأفعال خارجة
عن المألوف
اتعلمتها أجيال البشر للمصلحة
وع المكشوف
قابلت كتير م البشر في كل الظروف
كتبت كتيرعنهم وخلصت الحروف
******************
عاملت كتير مالناس ملاقيتشي يوم حظي
وعملت كتير جمايل ومانسيتشي يوم صاحبي
مشيت سنين وسنين بادور على بختي
وبقيت تايه في نفوس البشر
وحدي
قابلت كتير م البشر في كل الظروف
كتبت كتير عنهم وخلصت الحروف
******************
ما هي الناس كتيرة ويحيروك
ناس تحبك وممكن تسبك
وأوام تغشك
ناس حويطة بحورها غويطة
وكتير تقولك
كلام مؤدب وكلام مهذب أكيد
في وشك
ناس غريبة دلازم مريضة
قاعدة تنفقك
قابلت كتير م البشر في كل الظروف
كتبت كتير عنهم وخلصت الحروف
****************