الموت أولى
طول عمري بقول الموت أولى
من إني أكون ..
حبل المشنقه لحياة مسجون
او عين حاسده
او ترس فـ آله بيتحرك علشان ينتج أدوية فاسده
الموت أولى
من إني أكون مسؤل طيران جوا الدوله
بيصدر اولادها لبرا
وبيستورد ...خبراء علشان يبنوا منابر
يصعدها الجهل بإسم الدين
او يبنوا مقابر للعايشين
وقصور تتسكن للأموات
لو كلب لحد مهم يموت بتقوم أزمات
إنما لو شخص فقير هيموت بيقولوا عليه :
"أهو كلب ومات "